Aunty Jane oorlede
2006-10-19
’n BEKENDE Paarliet, “juffrou” Jane Benjamin (94) van Rosarystraat, is onlangs oorlede in die Paarl Hospitaal na ’n kort siekbed.
Sy het 40 jaar onderwys gegee vir die laer grade by die Bethany Congregational Laerskool.
Sy was bekend vir haar pragtige borduur-, hekel- en breiwerk en was vir baie jare beoordelaar by plaaslike skoue.
Sy het in Tempelierstraat grootgeword, en het die laaste jare van haar lewe ingewoon by die gesin van Galiep Abrahams wat haar liefdevol versorg het.
Die begrafnisdiens is vandag om 14:30 in die Katolieke Kerk Our Lady of Dvine Love in Barbarossastraat, met ’n private verassing.
More
News
|
