Kultuursentrum geloods
2006-11-02
DIE amptelike inwyding van die Breytenbach-sentrum op Wellington vind Saterdagoggend in die Goodnowsaal om 10:30 plaas.
Die sentrum is geleë in die Victoriaanse dubbelverdiepinggebou Grevilleas wat bekend is as die ouerhuis van die skrywer Breyten Breytenbach.
Die gebou is in die laat 1800’s as die Commercial Hotel opgerig en in 1896 deur die Hugenote Seminarie aangekoop om kandidaat-onderwysers te huisves.
Onder die verskillende bedrywighede wat vir die sentrum beoog word, is ’n boekwinkel en koffiekroeg en die aanbied van klasse in drama, musiek, kuns, skryfkuns, fotografie, raamwerk en handewerk. Daar is ook ’n klein teater met sitplek vir 50 mense.
Prof Ampie Coetzee (voorsitter) sal die Grevilleas-Skryfskool aan die publiek bekend stel.Vir navrae, kontak Eugenie Wiggens by 083-308-8492.
More
News
|
