Motorfietsryer sterf
2006-11-23
’n JONG man van die Paarl is Sondagoggend tragies dood in ’n motorfietsongeluk.
Emile van Greunen (24) het Saterdag saam met sy motorfietsklub, Wild Eagles, ’n motorfietsbyeenkoms op Worcester bygewoon.
Toe hy om 03:00 Sondagoggend op pad terug was na die Paarl, het hy teen ’n padreling op Worcester gebots. Hy is op die toneel dood.
Emile, wat sy skoolloopbaan in Pinelands voltooi het, was ’n ambagsman by Hydraberg Hydraulics in die Daljosafat nywerheidsgebied.
Hy laat sy ouers, Sybrand en Sandra agter, asook ’n broer en suster, Werner en Leandra.
Hy word vandag om 15:00 vanuit die Bikers Kerk by die Protea AGS begrawe. Die stoet sal gevolg word deur talle motorfietse.
* A Paarl motorcyclist died in a crash in Worcester over the weekend.
More
News
|
