Tik word al erger
2007-01-25
TIK is besig om ons gemeenskap te vernietig en ek kan dit nie meer vat nie. Só sê Arthur Adams, ’n inwoner van Amstelhof wat elke dag die gevolge van dié gevreesde dwelm sien.
Arthur glo ’n man kan nie maar net jou rug op ’n probleem keer en niks daaraan doen nie.
“Ek glo waar ek bly, in Amstelhof, is die probleem seker op die ergste in die Paarl. Maar daar is baie ander gebiede hier en in die res van die land wat net so sukkel.”
Nou wil hy ’n optog parlement toe hou om ouers se nood en moedeloosheid onder die leierskap se aandag te bring.
“Ek soek kerkleiers, gemeenskapsleiers, skoolhoofde, jeugleiers, ouers, almal wat bekommerd is oor dwelms, om saam met my te stap.”
Mense kan hom skakel by 072-544-7331 om die projek te bespreek.
More
News
|
