Reünies beplan
2007-02-15
CHARLESTON HILL: Onthou u die goeie ou dae van bont rompe tot rooi rompe by Charleston Hill Sekondêr? Was u onder die eerste standerd ses- of sewe-klas in 1991?
Dan moet u nie vanaand se vergadering om 19:30 vir 20:00 in die skoolsaal mis nie.
Daar word ’n groot reünie beplan vir die 1991-klas, so kom help
beplan.
Navrae by Hein Cupido (021-862-2141) Wilchereen (Willa) Valentine (072-778-3434) of Fred Alexander (021-862-1397).
Maleistraat: Die oud-inwoners van Maleistraat (Ou Tuin) in die Paarl beplan ’n reünie op Saterdag 3 Maart van 10:00 tot laat in Orleanspark.
Bring u eie piekniekmandjie of vleis om te braai. Alle belangstellendes kan Johnny Boy (Vissie) skakel by 083-530-6774.
Bergrivier Hoër en Pauw Gedenk: Dié twee skole beplan ’n reuse-reünie. Die graad sewes van Pauw Gedenk van 1965, die graad agts van Bergrivier Hoërskool van 1966 en die matrieks van Bergrivier van 1970 word gevra om David Petersen by 021-873-5363 of 073-502-7828 te kontak.
Handelskool: Oud-leerlinge van die Paarl Hoër Handelskool (nou Labori) wat in 1988 matriek geskryf het, word versoek om vir Nelda Bester by 084-823-5787 of (023) 317-1864 te kontak met die oog op ’n reünie volgende jaar.
More
News
|
