Moedige ma ter ruste
2007-03-08
’n WELLINGTONSE ma van drie het die naweek haar stryd teen beenmurgkanker verloor.
Ten spyte van ’n beenmurgoorplanting het Hanneke Malan (43) van die plaas Groenvlei verlede week in ’n koma verval en nie weer bygekom totdat sy Maandagoggend gesterf het nie.
Die gemeenskap van Wellington het die dapper vrou en haar gesin sedert sy in Desember 2005 met leukemie gediagnoseer is, met liefde en beenmurgskenkings bygestaan. Verlede jaar is daar na ’n maandelange soektog ’n geskikte skenker in Duitsland gevind.
Hanneke het goed reageer op die stamseloorplanting in Augustus, maar het later weer siek geword.
Sy en haar man het honderde mense geïnspireer om beenmurgskenkers te word, om so op die beenmurgbank geregistreer te word vir die redding van bloedsiektelyers.
Hanneke sal deur almal wat haar geken het, onthou word vir haar positiewe uitkyk op die lewe, haar opgeruimdheid en deursettingsvermoë.
Sy laat haar man Petro en kinders Lené (16), Anke (13) en Jan-Hendrik (11) agter.
Die gedenkdiens is vandag 10:00 in die NG Moederkerk, Wellington.
More
News
|
