Van Dyk na Maties
2007-09-06
DIE Paarlse rolstoelatleet en Laureus Wêreld Sportman van 2006, Ernst van Dyk, het vroeër dié week by die Universiteit van Stellenbosch begin werk. Hy het onlangs sy werk as sportskakel vir Fidentia verloor nadat die maatskappy gesluit het.
Van Dyk, wat by Maties se Sportprestasie-instituut (Suspi) betrokke gaan wees, sal blykbaar dié handelsmerk bemark en ook kliënteverhoudings uitbrei.
Die maatskappy is deur die universiteit geskep om hul sportfasiliteite, -kundigheid en -bates te kommersialiseer.
Van Dyk het gesê sy aanstellling sal nie inmeng met sy oefenprogram nie en dat hy van plan is om later hierdie maand aan die Newcastle halfmarathon (Engeland) deel te neem.
More
News
|
