Skokdood in Paarl
2005-06-15
DIE familie en groot vriendekring van ’n jong Paarliet is die naweek geskok oor sy skielike dood.
Donovan Cocklin (22) se moeder, Inha, het haar seun Vrydagaand opgehang in hul woonstel in Bloemendal, Noorder-Paarl, ontdek.
“Donovan was so ’n spontane mens,” het sy vriende verslae gesę.
“Dit was heerlik om in sy lewensvreugde te deel.
"Ons wens hy het gepraat oor probleme waarmee hy moes worstel.
Dan kon hy dalk betyds hulp kry.”
Donovan was ’n bekende in die Paarl, waar hy ná matrikulasie aan Boland Kollege as bediener en kelner by De Luga’s en die afgelope byna twee jaar by Seidelberg wynkelder gewerk het.
Benewens sy moeder, laat Donovan sy twee ouer broers, Jacques en Shaun.
Die gedenkdiens is Donderdag 13:00 in die Paarlberg NG Kerk.
More
News
|
